tg-me.com/buxorouz_official/84827
Last Update:
#ташкилий_сессия
#Бухоро_шаҳри
Халқ депутатлари Бухоро шаҳар Кенгашининг навбатдан ташқари сессияси бўлиб ўтди.
Сессияда вилоят ҳокими Ботир Зарипов, вилоят секторлари раҳбарлари, вилоят ҳокими ўринбосарлари, вилоятдаги корхона ва ташкилотлар раҳбарлари, халқ депутатлари Бухоро шаҳар Кенгаши депутатлари, шаҳар ҳокими ўринбосарлари ва мутасадди ходимлари, маҳалла фуқаролар йиғинлари раислари ва шаҳар фаоллари иштирок этди.
Сессияда ташкилий масала кўрилди.
-Бухоро шаҳри вилоятимиз маркази сифатида географик жойлашуви, тарихий аҳамиятига кўра вилоятимиздаги энг истиқболли ҳудудлардан бири ҳисобланади. Хусусан, қулай логистика муҳити, мунтазам электр энергияси ва табиий газ таъминоти, бетакрор тарихий обидалари ҳудудда саноат ва зиёрат туризмини ривожлантириш, янгидан янги сервис хизматларини яратишда муҳим аҳамият касб этади. Тан олиш керак, кейинги йилларда айнан мана шу имкониятлардан самарали фойдаланганлиги сабабли Бухоро шаҳри Жамол Носиров раҳбарлигида ривожланиш йўлларини босиб ўтди.
У ватанини қаттиқ севгани, ватанга чексиз садоқати сабаб ўзининг раҳбарлик тажрибаси, бошқарувчилик қобилияти, қатъияти ва талабчанлиги билан ҳудудда Ҳурматли Президентимизнинг ислоҳотлари ижросини таъминлашда жонбозлик кўрсатди. Аммо кейинги пайтда Жамол Шуҳратович Носировнинг соғлиги ёмонлашганлиги зиммасига юклатилган вазифаларни самарали бажаришда қийинчиликларни келтириб чиқармоқда. Жамол Носиров соғлиги ёмонлашганлиги муносабати билан Бухоро шаҳар ҳокими лавозимидан озод этишни сўраб, ариза билан мурожаат қилди, - деди Ботир Зарипов кириш сўзи аввалида.
Шундан сўнг вилоят ҳокими Жамол Носировни Бухоро шаҳар ҳокими лавозимидан озод этиш тўғрисидаги қарорни ўқиб эшиттирди.
Айни вақтга қадар Қурилиш ва уй-жой коммунал хўжалиги вазирлиги иссиқлик таъминотини эксплуатация қилиш ва ривожлантириш бошқармаси бошлиғи вазифасида ишлаб келган Турсунов Қурбон Ибрагимович Бухоро шаҳар ҳокими лавозимига тасдиқланди.
Кун тартибидаги масала юзасидан шаҳар Кенгаши депутатлари ва фаоллари ўз фикр-мулоҳазаларини билдиришди.
Buxoro.uz | Facebook | Instagram | YouTube
BY BUXORO.UZ | Расмий канал
Warning: Undefined variable $i in /var/www/tg-me/post.php on line 283
Share with your friend now:
tg-me.com/buxorouz_official/84827